ຄປພບ ແຂວງເຊກອງ ມອບເຂົ້າສານໜຽວໃຫ້ເມືອງກະລຶມ

ໂອກາດດຽວກັນນີ້ ທ່ານ ອໍບົວລາ ອ່ອນມະໄລວົງ ວ່າການເຈົ້າເມືອງກະລຶມ ກໍໄດ້ກ່າວສະແດງຄວາມຂອບໃຈມາຍັງການນຳ ຂອງແຂວງເຊກອງ ກໍຄືຄະນະປ້ອງກັນ ແລະ ຄອບຄຸມໄພພິບັດຂັ້ນແຂວງ ທີ່ເອົາໃຈໃສ່ ເບິ່ງແຍງ ດູແລ ແລະ ຊ່ວຍເຫຼືອພໍ່ແມ່ປະຊາຊົນຊາວເມືອງກະລຶມໂດຍຕະຫຼອດມາ ພ້ອມທັງໃຫ້ຄຳໝັ້ນສັນຍາວ່າ ຈະນຳເອົາເຂົ້າສານໜຽວທີ່ໄດ້ຮັບນີ້ ໄປມອບໃຫ້ຄອບຄົວເປົ້າໝາຍດັ່ງກ່າວຢ່າງທົ່ວເຖິງ ເພື່ອຟື້ນຟູສະພາບຈິດໃຈຂອງຜູ້ທີ່ປະສົບເຄາະຮ້າຍຈາກໄພພິບັດ ແລະ ຄອບຄົວທີ່ອຶດຫິວໃຫ້ດີຂຶ້ນເທື່ອລະກ້າວ.

ທ່ານ ຄຳສອນ ກອນເຍີ ກໍາມະການພັກແຂວງ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງເຊກອງ ຮອງປະທານຄະນະປ້ອງກັນ ແລະ ຄອບຄຸມໄພພິບັດຂັ້ນແຂວງ ກ່າວວ່າ: ເຂົ້າສານທີ່ນຳມາມອບໃນຄັ້ງນີ້ ເປັນເຂົ້າສານໜຽວ ຈຳນວນ 10 ໂຕນ ລວມມູນຄ່າ ທັງໝົດ 60 ລ້ານ ກວ່າ ກີບ ເນື່ອງຈາກເສັ້ນທາງບົກແຕ່ເມືອງຫາແຂວງຖືກຕັດຂາດ ສະນັນອຳນາດການປົກຄອງແຂວງ ຈຶ່ງໄດ້ນຳໃຊ້ຍົນຂົນສົງເຂົ້າສານໜຽວ ທາງອາກາດ ຈຳນວນ 10 ຖ້ຽວ ຈຶ່ງສຳເລັດ ເພື່ອໃຫ້ເມືອງກະລຶມ ນຳໄປມອບຕໍ່ ໃຫ້ແກ່ຄອບຄົວຜູ້ທີ່ໄດ້ຮັບຜົນເສຍຫາຍຈາກໄພພິບັດໃນໄລຍະຜ່ານມາ ແລະ ຄອບຄົວທີ່ອຶດເຂົ້າກິນ ເພື່ອເປັນການຊ່ວຍເຫຼືອບັນເທົາທຸກ ແລະ ຟື້ນຟູຊີວິດການເປັນຢູ່ຂອງຄອບຄົວດັ່ງກ່າວ ໃນຂັ້ນເບື້ອງຕົ້ນ.

ເມືອງກະລຶມ ໃນວັນທີ 7 ຫາ 9 ກັນຍາ 2019 ນີ້ ທ່ານ ຄຳສອນ ກອນເຍີ ກໍາມະການພັກແຂວງ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ຮອງປະທານຄະນະປ້ອງກັນ ແລະ ຄອບຄຸມໄພພິບັດຂັ້ນແຂວງ ພ້ອມຄະນະ ໄດ້ນຳເອົາເຂົ້າສານ ມອບໃຫ້ເມືອງກະລຶມ ແລະ ກ່າວຮັບໂດຍ ທ່ານ ອໍບົວລາ ອ່ອນມະໄລວົງ ວ່າການລຂາພັກເມືອງ, ວ່າການເຈົ້າເມືອງກະລຶມ ພ້ອມດ້ວຍຂະແໜງການທີ່ກ່ຽວຂ້ອງເຂົ້າຮ່ວມ.

ຂ່າວ: ທ ອັດສະວິນ ແສງສີຈັນ | ທີ່ມາ: ຂ່າວເຊກອງ