ເຈົ້າໜ້າທີ່ໄທຈັບແມ່ຍິງຄົນລາວເປີດຮ້ານຄາຣາໂອເກະຄ້າມະນຸດອາຍຸຕ່ຳກວ່າ 18 ທີ່ບາງກອກ

ເບື້ອງຕົ້ນເຈົ້າໜ້າທີ່ໄດ້ແຈ້ງຂໍ້ຫານາງ ບີ ວ່າຄ້າມະນຸດໂດຍສະແຫວງຫາຜົນປະໂຫຍດຢ່າງບໍ່ຖືກຕ້ອງໃນທາງເພດ ໃນຮູບແບບໃຫ້ບໍລິການທາງອະນາຈານ, ກະທຳແກ່ບຸກຄົນອາຍຸເກີນ 15 ແຕ່ຍັງບໍ່ເຖິງ 18 ປີ, ຊັກຈູງ, ສົ່ງເສີມ, ຍິນຍອມໃຫ້ເດັກປະພຶດຕົນໃນທາງທີ່ບໍ່ຄວນ ຫຼື ກະທຳໃຫ້ເດັກມີການປະພຶດສ່ຽງຕໍ່ການກະທຳຜິດ ອັນມີລັກສະນະເປັນການລາມົກອະນາຈານ ບໍ່ວ່າຈະເພື່ອໃຫ້ໄດ້ມາເຊິ່ງຄ່າຕອບແທນ ຫຼື ເພື່ອສິ່ງໃດກໍ່ຕາມ ແລະ ເປັນນາຍຈ້າງຮັບຜູ້ທີ່ມີອາຍຸຕ່ຳກວ່າ 18 ປີ ເຂົ້າເຮັດວຽກໃນສະຖານບໍລິການໂດຍຂັດຕໍ່ກົດໝາຍ ເຊິ່ງຖືກນຳສົ່ງຕົວໄປດຳເນີນຄະດີຕໍ່ໄປ. ນອກຈາກນີ້, ເຈົ້າໜ້າທີ່ຍັງພົບວ່າມີພະນັກງານອາຍຸບໍ່ເກີນ 18 ປີ ຈຳນວນ 2 ຄົນ ໃຫ້ບໍລິການລູກຄ້າ

ແຕ່ງກາຍທີ່ມີລັກສະນະກະຕຸ້ນທາງເພດ ນັ່ງດື່ມກິນ ແລະ ໃຫ້ບໍລິການລູກຄ້າ ເຊິ່ງລູກຄ້າສາມາດຈັບເນື້ອຕ້ອງໂຕໄດ້ ໂດຍຈະໄດ້ຄ່າດື່ມຄັ້ງລະ 120 ບາດ ແລະ ຫາກພາອອກນອກສະຖານທີ່ ຈະຕ້ອງຈ່າຍໃຫ້ຮ້ານເພີ່ມອີກ 300 ບາດ. ລາຍງານ 7 ຕຸລາ 2019, ອີງຕາມການລາຍງານຂອງສຳນັກຂ່າວມະຕິຊົນໃຫ້ຮູ້ວ່າ: ຕຳຫຼວດກວດຄົນເຂົ້າເມືອງຂອງໄທ ໄດ້ເຂົ້າກວດສອບຮ້ານສະບາຍດີຄາຣາໂອເກະ ທີ່ເຂດສວນຫຼວງ, ນະຄອນຫຼວງບາງກອກ ພົບແມ່ຍິງ 5 ຄົນ ສັນຊາດລາວ ກຳລັງນັ່ງດື່ມກິນ ແລະ ມີການໂອບກອດກັບລູກຄ້າຢູ່ ຈຶ່ງໄດ້ສະແດງຕົວ ແລະ ເຂົ້າກັບຈຸມ ນາງ ບີ (ນາມສົມມຸດ) ຮັບວ່າເປັນຜູ້ເບິ່ງຮ້ານ ແລະ ເປັນຜູ້ຮັບແມ່ຍິງທັງໝົດເຂົ້າເຮັດວຽກ.

ທີ່ມາ: ອິດສະຫຼະ