ທະຫານກອງທັບລົງໄປຊ່ວຍຜູ້ປະສົບໄພພາກໃຕ້ແລ້ວ 5.000 ຄົນ

ວັນທີ 5 ກັນຍາ 2019, ທີ່ສາງຫລັກ 17 , ດົງໝາກຄາຍ, ນະຄອນຫຼວງວຽງຈັນ, ກະຊວງ ແຮງງານ ແລະ ສະຫວັດີດການສັງຄົມ, ກອງເລຂາ ຄະນະກຳມະການປ້ອງກັນ ແລະ ຄວບຄູມ ໄພພີບັດ ແຫ່ງຊາດ ປະສານກັບ ກະຊວງ ປ້ອງກັນປະທດ ກຳລັງຂົນສົ່ງ ເຮຶອ, ເຕັ້ນພັກເຊົາ, ພ້ອມອຸປະກອນຮັບໃຊ້ຈຳເປັນຕ່າງໆ, ນໍ້າດຶ່ມ ແລະ ອາຫານແຫ້ງ ລົງໄປບັນດາ ແຂວງພາກໃຕ້, ເພຶ່ອບັນເທົາທູກເບຶ້ອງຕົ້ນ, ຈາກສະພາບການດັ່ງກ່າວ, ກະຊວງປ້ອງກັນປະເທດ ໄດ້ມອບ ໝາຍໃຫ້ກົມໃຫຍ່ເສນາທິການກອງທັບ ເປັນເຈົ້າການຊີ້ນຳ ບັນດາກົມກອງປະຈຳຢູ່ແຕ່ລະທ້ອງຖິ່ນຈັດຕັ້ງກຳລັງ ແລະ ນຳໃຊ້ພາຫະນະອຸປະກອນຂອງຕົນທີ່ມີ ເພື່ອເຂົ້າໄປກອບກູ້ໄພ ແລະ ຊ່ວຍເຫລືອຍົກຍ້າຍປະຊາຊົນອອກຈາກພື້ນທີ່ນໍ້າຖ້ວມໄປຢູ່ບ່ອນ ທີ່ປອດໄພຢ່າງຮີບດ່ວນ, ດ້ວຍຄວາມອົດທົນ ແລະ ຂະຫຍັນຂັນ ແຂງ, ໂດຍໃນນັ້ນກອງພົນທີ 4, ໄດ້ນຳໃຊ້ກຳລັງຈຳນວນ 9 ຄົນ ໃຊ້ເຮືອທ້ອງແບນ 5 ລຳ ແລະ ລົດຂົນສົ່ງ 5 ຄັນ ໄປຊ່ວຍແຂວງ ສາລະວັນ. ປັດຈຸບັນ, ກອງພົນດັ່ງກ່າວຍັງໄດ້ກະກຽມກຳລັງ ລໍຖ້າຢູ່ກອງພັນໃຫຍ່ 401 ຈຳນວນ 300 ຄົນ ແລະ ກະກຽມ ຕື່ມອີກ 200 ຄົນ ຢູ່ບັນດາກອງພັນນ້ອຍ.

ທາງດ້ານຍານພາຫະນະຮັບໃຊ້ ກໍ່ມີລົດເຮືອເປເຕແອັດ 2 ຄັນ ແລະ ເຮືອທ້ອງແປ 1 ລຳ. ສຳລັບກອງພົນທີ 5, ແມ່ນນຳໃຊ້ກຳລັງພົນ ຈຳນວນ 400 ຄົນ, ເຮືອ 6 ລຳ ແລະ ລົດຂົນສົ່ງ 4 ຄັນ ໄປຊ່ວຍ ແຂວງຈຳປາສັກ ແລະ ແຂວງສາລະວັນ.

ກອງບັນຊາການທະຫານແຂວງຄຳມ່ວນ ກໍ່ໄດ້ນຳໃຊ້ກຳລັງຂອງ ບັນດາກອງພັນນ້ອຍ ແລະ ກອງບັນຊາການທະຫານເມືອງ ແຕ່ ລະເມືອງ ຈຳນວນ 704 ຄົນພ້ອມດ້ວຍລົດຂົນສົ່ງ ຈຳນວນ 6 ຄັນ ແລະ ເຮືອ 4 ລຳ ໄປຊ່ວຍປະຊາຊົນໃນ 6 ເມືອງ ທີ່ຖືກນໍ້າຖ້ວມ.

ກອງບັນຊາການທະຫານແຂວງສະຫວັນນະເຂດ, ໄດ້ນຳໃຊ້ກຳລັງ ຂອງບັນດາກອງພັນນ້ອຍ ແລະ ກອງບັນຊາການທະຫານເມືອງ ບັນດາເມືອງ ຈຳນວນ 400 ຄົນ, ພ້ອມລົດຂົນສົ່ງ ຈຳນວນ 12 ຄັນ, ໄປຊ່ວຍປະຊາຊົນໃນ 10 ເມືອງ ທີ່ຖືກນໍ້າຖ້ວມ.

ກອງບັນຊາການທະຫານແຂວງສາລະວັນ, ນຳໃຊ້ກຳລັງຂອງບັນດາ ກອງພັນນ້ອຍ ແລະ ກອງບັນຊາການບັນດາເມືອງ ຈຳນວນ 350 ຄົນ ພ້ອມລົດຂົນສົ່ງ ຈຳນວນ 6 ຄັນ, ສົມທົບກັບກອງພົນທີ 5 ແລະ ກອງພົນທີ 4 ໄປຊ່ວຍປະຊາຊົນໃນ 3 ເມືອງ ທີ່ຖືກນໍ້າຖ້ວມ.

ກອງບັນຊາການທະຫານແຂວງຈຳປາສັກ, ນຳໃຊ້ກຳລັງຂອງບັນ ດາກອງພັນນ້ອຍ ແລະ ກອງບັນຊາການທະຫານເມືອງ ບັນດາ ເມືອງ ຈຳນວນ 350 ຄົນ ພ້ອມລົດຂົນສົ່ງ ຈຳນວນ 8 ຄັນ ສົມທົບກັບກອງພົນທີ 5 ແລະ ໂຮງຮຽນາຍສິບເລກ 2 ວຽງໄຊ ໄປຊ່ວຍປະຊາຊົນໃນ 10 ເມືອງທີ່ຖືກນໍ້າຖ້ວມ.

ກອງບັນຊາການທະຫານແຂວງເຊກອງ, ນຳໃຊ້ກຳລັງຂອງບັນ ດາກອງພັນນ້ອຍ ແລະ ກອງບັນຊາການທະຫານເມືອງແຕ່ລະ ເມືອງ ຈຳນວນ 250 ຄົນ ພ້ອມລົດຂົນສົ່ງ ຈຳນວນ 6 ຄັນ, ໄປຊ່ວຍປະຊາຊົນໃນ 4 ເມືອງ ທີ່ຖືກນໍ້າຖ້ວມ.

ກອງບັນຊາ ການທະຫານແຂວງອັດຕະປື, ນຳໃຊ້ກຳລັງຂອງ ບັນດາກອງພັນນ້ອຍ ແລະ ກອງບັນຊາການທະຫານເມືອງ ບັນດາເມືອງ ຈຳນວນ 150 ຄົນ ພ້ອມລົດຂົນສົ່ງ ຈຳນວນ 4 ຄັນ ໄປຊ່ວຍປະຊາຊົນ ໃນ 5 ເມືອງທີ່ຖືກນໍ້າຖ້ວມ.

ສັງລວມການນຳໃຊ້ກຳລັງແຕ່ ວັນທີ 29/8-4/9/2019 ທັງໝົດ ທີ່ ລົງຊ່ວຍເຫລືອປະຊາຊົນໃນ 6 ແຂວງ ຈຳນວນ 2.200 ກວ່າຄົນ. ນອກນີ້ ຍັງໄດ້ກຽມພ້ອມນຳໃຊ້ກຳລັງ ຈຳນວນ 5.000 ຄົນ; ເຮືອ ທຸກຊະນິດ 40 ລຳ; ລົດຂົນສົ່ງ 50 ຄັນ; ເຮືອບິນ ມີ-17 ຈຳນວນ 3 ລຳ ແລະ ມາ-600 ຈຳນວນ 1 ລຳ.

ທີ່ມາ: ຂ່າວດັງ – Hot news | ຮັກຊາດລາວ ຮັກປະຊາຊົນລາວ