ຜີປະກົດໂຕຂໍສ່ວນບຸນຂ້າງທາງແລະອາດຈະເອົາຜູ່ດວງຕົກໄປເປັນບໍລິວານ

ຮູບພາບເປັນພາບປະກອບເທົ່ານັ້ນ, (ເປັນຄວາມເຊື່ອສ່ວນບຸກຄົນກະລຸນາໃຊ້ວິຈະລະນະຍານໃນການຮັບຊົມ) ວັນທີ 30/5/2020 ທີ່ນະຄອນຫຼວງວຽງຈັນ ຈາກຜູ່ໃຊ້ເຟສບຸກຄົນໜື່ງໄດ້ໂພສວ່າ “ມື້ວານນີ້ ເວລາປະມານ 23:00 ໂມງ ຂ້າພະເຈົ້າໄດ້ອອກມາແຕ່ບ້ານເມືອງນ້ອຍມຸ້ງໜ້າເມືອເຮືອນບ້ານດອນກອຍຄົນດຽວແລ່ນດ້ວຍຄວາມໄວປານກາງພໍມາຮອດເສັ້ນທາງກາງບຶງບ່ອນມືດໆ ຄືມີຄົນແລ່ນອອກມາໃສ່ລົດ ເຮັດໃຫ້ຕົກໃຈເກືອບຄຸມລົດບໍ່ຢູ່ ພໍຫຼຽວເບິ່ງແວ່ນຫຼັງລົດ

ເຫັນເປັນເງົາຄ້າຍຄືຄົນຜົມຍາວແລ່ນນຳກວັກມືໃສ່ ຕົນເອງຟ້າວເລັ່ງລົດ ຮີບໜີ ຈົນມາເຮືອນມື້ໃໝ່ເລົ່າໃຫ້ໝູ່ , ຄອບຄົວຟັງ ເຂົາວ່າມີອຸປະຕິເຫດຄົນຕາຍຫຼາຍຢູ່ແຖວນັ້ນໃນຊ່ວງກຳລັງສ້າງທາງ ແລະ ມີການປຸ້ນຈີ້ກໍຫຼາຍ, ຂໍຝາກເຕືອນທາງເສັ້ນນີ້ເວັ້ນໄດ້ຂໍໃຫ້ເວັ້ນ ທາງທັງມືດທັງປ່ຽວ ຕາຢ້ານອີຫຼີ, ໂດຍສະເພາະກາງຄືນ” ລະວັງ ມັກເຫັນເປັນເງົາຄ້າຍຄືຜີ ທາງມືດດອນກອຍ-ບຶງທາດຫຼວງ-ບ້ານເມືອງນ້ອຍແລ່ນນຳລົດ,

ທຳອິດບໍ່ຢາກຈະເຊື່ອ ໝູ່ຄູ່ ແລະ ຫຼາຍຄົນມັກເວົ້າວ່າມັກເຫັນເປັນເງົາ ຄ້າຍຄືຜີ ເວລາຂັບລົດໄປກາງຄືນ ທາງດອນກອຍຕັດໄປຫາບຶງທາດຫຼວງ ອອກໄປທາງບ້ານເມືອງນ້ອຍ ແຖວມືດໆ ກາງບຶງທາດຫຼວງ ບາງຄັ້ງເຫັນເປັນຄ້າຍຄືຄົນຍ່າງຕັດໜ້າລົດ ບາງຄັ້ງເຫັນເປັນຊຸດຂາວຢືນຢູ່ແຄມທາງ ບາງເທື່ອຄືມີຄົນແລ່ນນຳກົ້ນລົດ.(ເປັນຄວາມເຊື່ອສ່ວນບຸກຄົນກະລຸນາໃຊ້ວິຈະລະນະຍານໃນການຮັບຊົມ)